陳煒自學油畫笑看動物
亞姐出身的陳煒（煒哥）嫁雞隨雞，跟隨丈夫到泰國做生意，在泰國過着阿太生活的煒哥，閒時愛下廚、畫畫及弄貓為樂，由於她經常將烹飪心得及食譜上載於網上公諸同好，吸引大批愛下廚的阿太追隨成為fans，熱爆網絡，令她成為網絡女廚神。
早前其好友時裝設計師何國鉦到泰國探望她，獲熱情招待，入住她泰國的兩層高的家。何國鉦說：「喺泰國冇食佢煮啲菜，因得兩三個人好難煮，反而喺香港佢有煮過畀我食，但佢就帶我周圍食好嘢，食到我肥咗七磅返嚟，真係一日肥一磅。」
他大讚煒哥在阿太生活竟自學成功，學會油畫，從她家中擺放的多幅油畫，都有一個共通點，對象都是動物，而且全部都笑到四萬咁口，何國鉦說跟煒哥同樣愛動物，看她的畫很有共鳴，有意為煒哥舉行畫展，宣揚她的藝術天分，他說：「佢啲畫全部都係笑，代表佢生活好開心，希望能將佢嘅歡樂帶畀身邊人。」