鄧伊玲胸降無人島
新春剛至，陳靜師妹「E Cup教主」鄧伊玲（Elaine）急不及待搶閘拍寫真，不待嚴冬褪去便出動三點式「擸地盤」，盡騷32E誘人身材，在每年一度的性感大戰先拔頭籌！
香港今年過了一個寒冬，但Elaine偏偏選在冷冬搶閘拍寫真，早前她冒着不到十度的低溫到西貢荒島取景，鏡頭前Elaine毫不吝嗇地大騷32E巨胸，泳衣上陣再圍上薄紗，谷出深深的事業線，舉手投足盡顯誘人女人味。
遭女助手睇全相
拍攝當日，Elaine專業地換上三點式，全場羽絨禦寒的工作人員都不禁為之心痛，Elaine笑說：「個個都好錫我，見我着咁少，一早準備好薑茶同大毛巾，咁凍都有好有唔好，成個島一個人影都冇，影起上嚟冇咁尷尬。」加上當日要即場換衫，島上沒有更衣室，只好讓女助手和化妝師以毛巾稍作遮掩，Elaine說：「佢哋話睇晒喎！但唔緊要啦，大家都係女仔，仲咁熟添。」
與陳靜夾攻娜姐
搶閘以性感寫真誘fans，問Elaine今年會否與師姐陳靜雙劍合璧夾攻「o靚模女神」周秀娜？Elaine說：「雙劍合璧都好喎！我同陳靜好熟，如果公司安排我哋一齊發展我會好開心，因為多個伴嘛。」
文：影視組