陳偉霆港代表爭亞洲舞王

第七屆香港影視娛樂博覽將於三月廿一到四月十七日舉行，大會昨日舉行記招介紹連串活動，當中包括「香港國際電影節」、「第三十屆香港電影金像獎頒獎典禮」、「第五屆亞洲電影大獎」及首次舉辦的「香港亞洲流行音樂節」等，連續多年為大會擔任大使的影帝梁朝偉，雖然有工作在身未能出席，但亦抽空拍攝宣傳短片於會上放映。

當交流減壓力

IFPI主席吳雨與陳偉霆齊齊上台介紹於三月廿三日舉行的首屆「香港亞洲流行音樂節」，屆時將有日本、韓國、新加坡、馬來西亞、台灣及香港等地的新進歌手參加亞洲超級新星音樂比賽，陳偉霆有幸成為香港代表，他謂：「唔想畀咁大壓力自己，我會視為交流。」吳雨聞言即抵死笑言：「咁我祝你輸啦！」令陳偉霆哭笑不得。

吳雨怕陳偉霆壓力大，抵死的祝願他戰敗。

徐小明（左）昨日亦抽空出席記者會。

飲雞腳湯進補

陳偉霆表示能代表香港很開心，同日亦要參與「香港國際電影節」：「因為《出軌的女人》有份參展，好開心可以走兩場！」透露暫定以快歌《尾巴》參戰，但現時未知有何對手：「自己向來欣賞日本同韓國藝人。」問他萬一真的輸掉會否尷尬？他認為比賽有贏有輸，已有心理準備，但直言很喜歡比賽：「以前未入行都成日參加跳舞比賽，有六年冇比賽過，呢個係我參加過最盛大嘅！（叫阿Sa煲雞腳湯補吓？）一路都有飲開，不過係阿媽煲嘅。」

文：音樂組