祖藍收「未來外母」警告信
王祖藍前日與高海寧、陳自瑤等一眾《我愛ＨＫ開心萬歲》演員到戲院謝票，已公開戀情的他透露早前與女友李亞男用六元乘搭天星小輪慶祝二人的首個情人節，更送亞男最喜歡的粉紅玫瑰作情人節禮物：「不過我就收到佢媽咪畀我嘅『警告信』做情人節禮物囉，佢話我仲未過關，要對亞男同佢父母再好啲。（破戒？）呢啲嘢唔使問啦，我哋係基督徒嚟o架。」祖藍透露三月至五月會跟福祿壽拍劇，之後一直拍戲至七月，故他慨嘆無時間拍拖。
另外，高海寧謂看此戲時由頭笑到尾，不過自己有份演出的場口則比較悶：「覺得自己做戲未夠好，要再練多兩年偷吓師。不過我覺得自己已經『升呢』喇，因為唔使再着泳衣出鏡，今次着多咗衫喇。」
