張可頤剪髮黐祥吸旺氣
佘詩曼（阿佘）受傷而被迫辭演《法證先鋒III》，「臨危受命」的張可頤昨日在監製梅小青的陪同下為劇集試造型，她更剪了一頭清新短髮突出法醫的專業形象，可頤又笑言期待與「視帝」黎耀祥合作，沾一沾他的旺氣！
張可頤昨日到電視城為新劇《法證先鋒III》試造型，她不惜剪去一頭留了多年的長髮，以突出她所飾演的法醫角色形象。不過她就笑言：「其實可以再短啲㗎，不過唔去到咁盡住。」監製梅小青對她則讚不絕口：「可頤真係好好，我哋咁趕佢都肯幫，夠專業！」得到梅小青的讚賞，張可頤就謙虛表示：「其實佢哋搵我時我都好愕然，都知佢哋十萬火急。咁我同小青又好熟，機緣巧合下我就接咗呢套劇。」同時，她又表示這是對她來說「最急、最興奮有新挑戰」的一次。
合作賀歲片
是次與「蟬聯視帝」祥仔於新劇孭重飛，可頤表示多年前曾與他合拍《香港人上廣州》，早前又於賀歲片《我愛HK開心萬歲》中合作，她笑言：「我都想黐下佢啲旺氣！」問到她可會高過祥仔？她就笑說：「其實大家都有諗過呢個問題，不過我之前拍劇着長衫長裙都高唔過佢，應該OK。（要就番佢？）唔好咁講，我都好少配合對手，喺劇中着嘅都應該係一吋高跟鞋。」
此外，她又表示希望阿佘能早日康復，問到她可會介意「執二攤」？可頤就表示未想過這問題：「其實啲嘢都一定要有人去做，咁啱我Timing（時機）啱，咁咪接咗囉！」同時，她就未肯透露為此劇所推掉工作的損失金額。
文：影視組