周慧敏病到嘔被誤會有咗
周慧敏（Vivian，阿V）和張智霖（Chilam）首度合作拍攝情人節宣傳廣告，要為對方炮製驚喜禮物。阿V透露早前在錄音室灌錄新歌時，因患上重感冒和腸胃炎連嘔多次，竟被王馨平誤以為她懷孕有喜！
周慧敏和張智霖先後在3月份舉行演唱會，最近有卡拉OK拉攏他們合作，為情人節拍攝宣傳廣告，並以二人的新歌《盆栽》及《冧爆你》作背景歌曲，讓大家感受這份浪漫氣氛。
入廚手忙腳亂
二人日前在西貢一棟三層高的別墅取景，Chilam說一直很想跟這位「玉女掌門」合作，而穿上單薄雪紡上衣及短褲的阿V則大騷白滑美腿，親手為Chilam炮製沙律，但卻表現得手忙腳亂，被刀割傷手指，她笑說：「劇情需要，但其實係做番自己。」
拍攝當日氣溫只得13℃，阿V雙手最受罪，要不停浸在冷水中洗淨材料，她口震震說：「我一向好怕凍，以前夏天拍戲着幾多衫都唔緊要，但冬天就好易冷親。」她透露因早前重踏錄音室時不幸患上感冒及腸胃炎：「上到錄音室已經面青青，仲嘔咗三次，畀喺錄音室撞見嘅王馨平笑住問：『大家姐你係咪有咗呀？』真係激死！」最近樂壇立立亂，問到有否信心年尾攞獎？阿V直言入行25年，只希望留給fans紀念，至於演唱會加場問題，則留待公司安排。
畀兒子寸到爆
Chilam則說不會製造浪漫給太太驚喜，但一向重視家庭，決定新年放假陪屋企人，惜被囝囝魔童「反寸」：「佢叫我不如唔好返嚟，留喺China（中國）拍戲，佢想用激將法，搞到我心都碎埋。」魔童出世後Chilam開始為他儲利是，預算魔童18歲時已成小富翁：「佢每年攞兩、三萬利是，加上我有幫佢投資，18歲時應該都有幾百萬！」
文：專案組