諸葛梓岐舞底線胸贏JC

諸葛梓岐（Marie）與JC等昨晚齊齊為「又一城‧千兔繒卷迎新春」開幕典禮擔任表演嘉賓，分別表演羽扇舞和打鼓。以超Deep V裙上陣的Marie露出大條事業線，性感爆燈，搶晒風頭。相反，穿上Tube Dress的JC就把噴血警鐘收起，頓時睇頭大減。

怕醜面都紅

問到Marie今次酬勞有多少，她說：「酬勞係吉祥數字，好開心。（你好性感喎。）我覺得好怕醜，自己都面紅，條裙我都係今日先試，雖然比較緊，但證明自己身材OK，着得到。（有無加Pad？）太緊加唔到Pad，要用膠紙黐住防走光，表演時都唔可以太大動作。」她表示男友薛嘉麟未知她會如此性感，若然男友投訴，她笑言：「我咪答佢『吓，咩話』囉。（未來奶奶投訴呢？）都係答『吓，咩話』。（男友話唔畀再着咁性感？）答佢『咩話，吓？』其實我都唔知點答，今日已經係我底線，我擔心媽咪會詐型。」

昨晚的賀年活動邀得幾位模特兒撐場。

JC收起「警鐘胸」打鼓，頓時比下去。

轉玩內在美

另外，JC被問到不及Marie性感，她則大方地說：「佢應得嘅，Marie係我朋友。（收埋個警鐘嘅？）唔使特登騷出嚟，商場咁多層要小心啲。騷警鐘係我模特兒工作一部分，嚟緊我會演戲，大家要睇我嘅內在美。」

文：名人組