DaDa呻窮搵阿媽

DaDa與師妹Bambi（梁雅淳、前名梁筠兒）昨日到新太陽廣場出席活動，展示全球最細、只得一毫硬幣十分一大小的繡花鞋，身穿性感低胸連身裙的兩人輕晒事業線，期間烏身寫揮春及為繡花鞋裝飾，令現場春光無限，吸引不少攝影發燒友狂拍！

獲內地時尚獎

在香港長做長有的DaDa表示，在內地亦開始為人認識，後日將返內地濟南出席山東電視台舉辦的頒獎禮，獲頒時尚藝人獎，她說：「第一次喺內地攞獎，希望唔好失禮！（準備咗戰衣？）大會安排，已經Send咗全身Size過去。（怕唔怕好性感？）唔驚，內地都保守啲啦！而且我會帶多幾套衫做後備。」在當地逗留三日後，她便返港狂接騷，努力搵錢過肥年，至新春期間則會「收爐」。

Bambi（左）與DaDa烏身寫揮春，春光無限。

Bambi計劃出甜品書，將手藝公諸同好。

首出個人寫真

她表示年初一將與父母及家姐返上海探望婆婆，問到是否包辦旅費？DaDa竟自言手緊！她說：「旅費會由阿媽負責，因為我買咗樓要畀首期，又要買傢俬，手頭都幾緊！不過禮物就由我負責番。」提到新年大計，DaDa表示將會拍攝首本個人寫真集：「之前都係同其他女仔拍。（去邊取景？）上海，不過4月先拍。（驚天氣凍？）唔會！有錢搵就唔怕凍！」至於Bambi則透露將會出甜品書，並自誇整Tiramisu最叻，問到DaDa會否幫手？她即說：「我負責試食！我好為食！」

文：影視組