Amanda S.真空跌帶肩性感
名模Amanda S.及Lisa S.前晚聯同吳君如、鄭伊健等嘉賓，首次見證全電動超級概念車在香港登場，其中Amanda以真空吊帶裙示人，且吊帶輕輕跌膊，她直言自己行性感唔會Cheap。
眾名人前晚盛裝出席「奧迪九龍陳列室」開幕，一起見證香港首部全電動超級概念跑車Audi e-tron登場，在嚴寒下Amanda真空穿上一襲吊帶裙最為搶鏡，當她與Lisa合照時，吊帶突然跌膊，更搶盡風頭。事後Amanda被問覺不覺冷時說：「都OK，因為我好鍾意呢條裙，（真空？）你估戴唔戴到Bra？（跌帶唔驚走光？）唔驚，我做模特兒多年有晒經驗，冇黐膠紙，條裙都好Fit，（婚前盡量性感？）唔係，婚後都可以性感，又唔係Cheap Cheap哋，老公話性感唔緊要，最重要有禮貌。」Amanda謂跟未來家翁、家姑去游泳都會穿三點式，看來她性感是得到男友一家大力支持。
君如冇逼囡囡入名校
此外，伊健對Audi e-tron甚有興趣，大讚夠晒環保，另他開心的透露個唱加場，對於舊愛梁詠琪在他之前開騷，伊健也替對方開心：「佢都好耐冇開騷，（會唔會做佢嘉賓？）唔會喇，我哋要各自排練，大家唔好將焦點放喺呢度。」
君如自新加坡宣傳電影返港後即患感冒，但仍堅持送女兒返學放學，對於指搬進淺水灣為追第二胎，君如說：「我唔會主動講搬去邊，唔好講到我軍訓個女為咗入名校，為個校網而搬屋，我對個女好放鬆完全唔畀壓力佢。」
文：影視組