楊汀叮羨慕Baby有愛情滋潤
楊汀叮昨日為護膚品牌擔任示範模特兒，首次以素顏上陣：「我對自己素顏都有少少擔心，為咗今次活動，呢兩日飲水同多食生果。（畀自己幾多分？）六十分！」汀叮表示很羨慕師姐Angelababy經常紅粉緋緋，記者問她似玩大踢爆Baby拍拖？她說：「咁係嘛！佢有滋潤。（你羨慕？）天然滋潤梗係羨慕！」
她又表示不相信另一師姐熊黛林訂婚，她說：「我唔知，亦冇睇報道，我唔係好信，始終佢都冇親口話我知。（覺唔覺得兩個師姐快嫁人？）可能我爬佢哋頭，我嫁先呢！其實我唔多覺佢哋兩個恨嫁，因為佢哋兩個都事業心好重，成日好忙周圍飛。（經理人Kim畀唔畀嫁？）畀我哋拍拖，仲叫我哋睇定啲揀好啲！」
