寇鴻萍鬆口氣：相信法律公平

警方發言人稱一名六十三歲男子前日返回中區警署報到，獲無條件釋放，毋須再到警署報到。案情指去年六月廿八日，一名年約廿多歲、任兼職模特兒的女大學留學生向警方報案，報稱於廿七日在中環蘭桂坊遭人摸胸，飲下飲料後不省人事，醒後懷疑被人迷姦，案件由中區重案組接手調查，中區警區重案組其後拘捕六十三歲的梁廷鏘，梁獲准保釋，期間多次返回警署報到，警方曾到案發現場蒐證，又與報案人作多次會面。

朋友不離不棄

寇鴻萍昨電話回覆，表示其夫婿着她唔可以講嘢，只向記者表示多謝，如可以講嘢時就會發聲明，問她是否鬆一口氣，她說：「差唔多，（你一直相信老公？）做夫妻一定要有信任，雖然依家唔能夠講乜嘢，但對所有祝福慰問好多謝。（老公發生事後好多人離棄你？）冇，反而好多人慰問我哋，甚至有啲唔熟嘅朋友，都喺facebook慰問我哋。反而對傳媒失去信心，亂寫，直到依家仲寫我哋扮恩愛，話我對人歡笑背人愁，我冇嬲，但好失望。（之前有o靚模寸你老公？）總之冇人離棄我哋，朋友對我好好。我由第一日就講件事會水落石出，相信法律公平。」

寇鴻萍即日在微博上載一張點心的照片，心情轉好，可以開懷大吃；大女唐貝詩周日已在微博寫上「Justice」（公正），向大家預告梁的案情；細女唐貝欣亦在微博上載一張與公公慶祝生日的全家福；而梁廷鏘與前妻所生的兒子梁作華，昨剛從大陸返港，表示父親有向他提及過，但未深入了解。

o靚模全部轉軚

寇鴻萍夫婦的朋友，昨日紛紛送上祝福。曾合資開夜店的陳淑蘭說：「恭喜佢！過農曆新年前一個好消息！我成日同寇鴻萍返教會，佢好虔誠，期間都有見梁廷鏘，冇因為件事疏遠！」至八會成員之一的沙姐林建明說：「事件發生後曾經問候過寇鴻萍，當時佢話應該冇事，所以知道個結果唔覺得奇怪。」

至於曾暗寸梁廷鏘的一眾o靚模，聞結果後全部轉軚，新八模Jeana說：「佢之前都有請我飲嘢，覺得佢好nice，都冇摸我，依家冇事戥佢開心。」而藍莓劉俐亦說：「佢冇事當然開心，證明佢冇做過。」

文：名人組