Stephy拒評小方擺阿媽上枱
鄧麗欣（Stephy）、麥浚龍（Juno）、夏文汐、林家棟、溫超等昨日齊齊現身新片《小雙俠》開鏡儀式，Stephy透露片中與Juno有曖昧關係，雖與方力申相戀已是公開秘密，但被問到Juno與小方哪位比較靚仔？Stephy面露尷尬之色，更擺母親上枱謂︰「阿媽教落，人比人比死人，各有各長處啦。（咁係咪小方最好？）唔好成日講佢啦！（咩你唔係默認拍拖咩？）都冇講過。」
Stephy透露片中與Juno有少許親熱戲，但卻未有真正接吻，自言從沒有拒絕與對方親熱，只是導演認為不需要。而她農曆新年將有數天假期，問到會否相約小方旅行？Stephy笑指對方應有工作在身，及後即轉話題談Juno，又指與模仿周星馳聲線出名的演員溫超有對手戲。
Juno唔怕死似霆鋒
而片中不乏動作戲份的Juno，透露當中會有撞車、跳樓等危險動作，他會盡量爭取親身上陣，對於被契爺兼監製陳自強指他不怕死精神有如昔日的謝霆鋒，問到是否想挑戰對方？Juno謂︰「唔係，我係有種拚勁，能力上做到會去做。」
至於飾演Juno好兄弟的溫超，被問到會否於片中模仿周星馳？他謂：「唔會太刻意，係好自然，如果叫我唔扮就會有啲造作，我本身好鍾意佢，覺得會有緣分合作。」
另外，前Cookies成員Serena與男友Bin昨晚舉行婚禮，Stephy、Kary和餅碎Angela結伴到賀，他們更將合照上載微博，並留言送祝福。
文︰影視組