阿Sa恨生霆蔡B

阿Sa昨日穿上KTZ花綠綠圖案裙出席上水琉璃展活動，現場更跟琉璃大師學整琉璃擺設，但阿Sa邊整邊尷尬說：「好難呀，我都唔知整緊乜添。」而大會將紫色琉璃擺設送給阿Sa，寓意她事業愛情順利。有玄學家即場為阿Sa看流年運程，指屬狗的阿Sa今年太歲六合貴人，事業愛情兩得意，而廿九及三十歲時最有機會做媽媽，今年亦容易受傷，建議阿Sa去洗牙或捐血來化解，但今年則有物業運，阿Sa即開心說：「我即刻兩眼發光添。」

35歲做媽媽

現年廿八歲的阿Sa，對於這一、兩年被指最有機會生B，阿Sa笑言：「順其自然啦！（會唔會做未婚媽媽？）我希望結咗婚先有小朋友，咁邏輯上啱啲。」可會為生BB而結婚？阿Sa則希望三十五歲才做媽媽。會否太遲？阿Sa謂：「依家四十歲先係遲，三十五歲差唔多啦。」

阿Sa被批今年事業愛情兩得意，更有物業運。

廿八歲的阿Sa原來已有生仔計劃，打算三十五歲做媽媽。

澄清冇同居

然而男友William（陳偉霆）可夠成熟當爸爸？阿Sa即撐男友說：「佢有陣時都幾成熟o架，佢都係一個幾好對象嚟。」傾過生BB問題？阿Sa坦言：「每次拍拖都希望Work到，而正常拍拖都會傾吓講吓嘅，但條路點行，好多時都係天安排。」日前William說漏嘴似說兩人正同居？阿Sa則言：「都冇同居，我有我自己屋企，佢有佢嘅。（William爆阿Sa和他媽媽好投契？）咁佢媽咪係幾Nice嘅人。」

文：音樂組