鄺敏慧速撇崔建邦嗌好彩

雖然昨日只得九度低溫，但鄺敏慧、百果園咪神陳靜（DaDa）與師妹梁郁霖（Lillian）仍無懼寒風，以性感打扮為《新地喜兔迎新歲》活動任嘉賓。

眾人與新鴻基地產租務部總經理馮秀炎（中）合照。

DaDa表示自己要到廿六歲後才會出現真姻緣。

被批廿五歲結婚

中巴表示新一年想遠離是非官非，問中巴是否相信風水命理？她說：「本身無乜睇，不過有朋友幫我睇過事業都準嘅，話我會識人教我好多嘢，佢話我適合做呢行，但唔可以長做，仲有兩年，我都知做model係好短暫。（姻緣呢？）依家拍嘅都係散拖，廿三歲先遇到真命天子，廿五歲結婚。但我無用拍散拖心態拍拖，我好認真，只係對方唔認真。（你聽完有無扣你現任男友分？）我哋都係拍咗無耐，仲互相了解緊，命運係自己創造，唔好太迷信。」

而對舊愛崔建邦近期是非不絕，問她可會覺得跟對方甩拖好彩？她說：「都算好彩嘅，大家已無聯絡，遠離是非同官非，都係好嘅。（是非係咪指崔建邦？）無錯，都算走得快。希望佢新一年遠離官非，人人都會犯錯，有啲嘢要小心。（覺唔覺佢識咗你之後就行衰運？）唔關我事，係就慘，佢自己唔做就唔會發生，唔可以賴人。」

陳靜自認辛苦命

同場的DaDa表示雖然自己信奉基督教，但每年都會找師傅睇相，而經理人施念慈就是她的貴人。而她的桃花屬偏桃花，要到廿六歲後才會出現真姻緣。她又謂自己是辛苦命，師傅有叫她改名，但她的名字是公公改的，所以她不想改，也不介意辛苦。