歐陽妙芝成功減磅追女卻步
名模歐陽妙芝於聖誕前夕一家四口到迪士尼遊玩及入住酒店慶祝，她說兩個兒子一直很喜歡迪士尼的卡通人物，幾乎每個月也會到酒店住宿：「我終於忍唔住問佢哋嚟咁多厭唔厭？佢哋反問我乜嘢叫做『厭』！激到無晒氣，連酒店員工見到我哋又嚟住，都講笑話要公司頒個獎畀我哋。」今個聖誕妙芝送上Wii遊戲機給兩個寶貝兒子，自己則獲老公送贈大褸。
妙芝近來勤做運動、瑜伽和打Boxing，用四個月時間成功減去二十磅贅肉，回復昔日模特兒的身材，令她開心不已，更直言追女大計或有變，她說：「自己好驚再肥，依家心情好矛盾，之前生細仔用咗三年先減到肥，如果再生第三個，咪要減六年先減到？」