謝安琪：一早知佢有事
身為張敬軒表舅母的謝安琪表示早就得悉對方出事，亦不時關心對方：「其實之前知佢情緒有病，有慰問佢，知佢成日陪住隻狗，雖然隻狗有病，但希望軒仔喺聖誕可以平靜啲，始終係個普天同慶嘅日子。」而張繼聰就送上無限的家庭溫暖，並致電問候：「會打電話問佢乜事，身為佢屋企人，全家人都好支持佢，會畀好多家庭溫暖佢。」好友鄺美雲表示不覺軒仔有問題：「生日會（24日）嗰晚見佢好開心，一個人嘅時候先會有負面情緒，我依家唔喺香港，返嚟會搵佢傾下偈，開解下。」
思想負面有影響
至於註冊輔導心理學家唐弘智博士認為難以判斷軒仔病情的嚴重性：「其實簡單做運動對正常人減壓已經會有幫助，不過有啲人想用藥物幫助自己放鬆啲就可以睇精神科醫生，唔嚴重嘅話都唔建議食藥，有啲人性格傾向多嘢諗、思想負面都會有影響，再加上佢話接二連三有負面事件發生，佢要學識減壓同正常思維，例如嘗試做吓呼吸運動。」