張敬軒情緒病發：癲Q咗

前晚聖誕夜周圍洋溢歡樂氣候，受情緒困擾的軒仔亦趁這個日子在微博「大解放」，盡情宣洩情緒！他形容這個聖誕節感覺最怪，零布置更沒有向朋友送禮物，連朋友邀請他出席派對都玩「失蹤」兼唔聽電話，令軒仔感到非常內疚，更自嘲「癲Q咗」！另外，他透露下星期便重新投入錄音工作，但情緒有點激動的他直斥部分網友是「急不可耐」及「說三道四」，指市面上有很多優秀的唱片，不等他的新碟仍有很多不錯的選擇！

受事業愛犬影響

軒仔昨日接受本報電話訪問，平復不少的他笑言：「我真係癲癲哋，尋晚（前晚）寫嗰陣係有啲內疚，朋友安排好節目畀我，但係我又玩閉關，好彩我知道自己有問題。（食情緒藥？）已經停咗，因為啲藥令人情緒好平淡，會影響我嘅演出。」他表示因愛犬「妹妹」早前患大病令他夢魘纏身，引發情緒問題，令新碟叫停甚至無限期押後，他直言心急出碟：「原本想十月出碟谷人氣，但係又出唔成，打亂公司計劃又令同事擔心！」

張家輝勸睇醫生

曾有情緒問題的惠英紅不敢多加意見：「因為可大可小，講錯一個字都會影響好多。」而張家輝勸對方有需要時要尋求醫生幫助，又笑言：「我冇試過咁嚴重，會唔會狂使錢會好啲呀？」

另外，昨日軒仔出席代言補習社舉行的聖誕聯歡活動，對於四大唱片與無綫破冰撻Q，軒仔表示非常錯愕：「吓？公司冇同我講過，自己之前聽到雙方傾番都有盼望。（為無綫放棄亮相其他電視台？）要睇公司決定，我覺得唔可以辜負其他電視台，就算同無綫合作都係新形式，做人最緊要啱數！」

文：音樂組