官恩娜想見朋友 盼無綫四大破冰
官恩娜（Ella）昨日現身活動，獲內地熱情男fans到場支持，該男fans更自稱於內地曾為奪取Ella簽名與保安爭執。未知是否Ella曾歷「狼吻事件」，主持人Bob亦特別小心，除刻意隔開兩人又搭實男fans膊，當Ella與男fans合照時，Bob更說：「唔好亂咁掂呀！」
Ella透露聖誕與男友及友人ＢＢＱ兼夾band慶祝：「今年係第二年一齊過聖誕，平安夜都係工作，好平安。」提到四大唱片與ＴＶＢ破冰撻Q，Ella說：「初初知道破冰都開心，可以喺活動上見番啲朋友，依家希望問題快啲解決。（若果打破傳統，可能有機會亮相其他電視台喎！）如果可以去多啲地方都係好事，都幫到嘅，不過等佢哋處理咗先。希望樂壇百花齊放，唱片已經好難做，有良性競爭係好。」
