錢景峰新女上場 阿媽寸要帶眼識人
郭秀雲兒子錢景峰早前與模媽Mia拍拖惹母親不滿，前晚景峰偕新女伴看《小人國大歷險》首映，郭秀雲舊事重提，勸兒子要帶眼識人，更說：「呢個係朋友，新識嘅，佢前一排忙考試都冇乜時間去識人，（識女朋友係咪要經你過目？）冇諗呢樣嘢，但佢真係拍拖會同我講，帶眼識人係重點，佢需要補吓習，有時都未了解已當人係朋友，容易相信人，佢唔出聲人哋當佢25歲，一出聲只係15歲咋！」
媽媽處處保護，景峰亦不敢明目張膽，記者問到女伴是否新女友，即嚇到他連聲說：「冇、冇、冇，朋友嚟啫，（朋友叫咩名？）Mika！（有冇發展機會？）吓！你哋咁問我點答啫，（係咪經過Mia之後要小心啲？）我依家已經大個咗嘞，以前我18，依家都20啦！（係咪唔同圈中人拍拖？）我都係圈外人啫！」
