鄺美雲48歲生日搵到Mr. Right
鄺美雲（Cally）昨晚於沙田馬場會所筵開22圍賀48歲生日，戴上綠寶加鑽石耳環、鑽石頸鏈、鑽石戒指、鑽石手錶的她一身珠光寶氣，但她仍不忘呼籲各界行善，並自爆已搵到生命中的Mr. Right。
Cally昨晚偕同兩位心肝寶貝：愛犬Cash及Euro現身生日會，狄波拉與老公鬍鬚Kong、張敬軒、陳志雲、泳兒、鍾舒漫、洪杰、關智斌、莊思敏與男友吳浩康及許冠文伉儷等均有到賀，眾人在大backdrop前留影，Cash及Euro則充當迎賓，Cally更預備鮑魚、壽包等招呼在場傳媒。
伸脷回應
壽星女Cally穿上黑色絲絨低胸高衩晚裝裙，戴了綠寶加鑽石耳環、綠寶鑽石頸鏈，左手則戴上巨型鑽戒及鑽石錶的她說：「件衫係設計師陳華國送嘅，啲首飾我收藏好多年，我冇計幾多錢，不過啲綠寶係搵咗十二年至搵到啱去襯啲鑽石，（生日願望？）身體健康啦，（想搵到Mr. Right？）我搵到啦！就係Cash囉！Cash你愛唔愛媽咪呀？」只見Cash伸脷回應，令人嘖嘖稱奇。
唔使送禮
Cally被問到收到甚麼生日禮物，她說：「我SMS晒班朋友，叫佢哋唔使送，我屋企唔大，擺唔到，加上我好幸運好多嘢都有，轉贈咪仲有意義，所以叫咗開廠嘅朋友有剩餘物資、貨辦留畀我，我喺內地已經有36間學校，會再開10間，下個月有間青少年中心喺內地開幕，需要大量物資。」
而曾與關智斌（Kenny）傳緋聞的張敬軒，被問是否與Kenny共度平安夜，他說：「係一齊同Cally姐姐過！（Kenny送咩聖誕禮物畀你？）唔知有冇，但我冇買禮物畀佢，我啱啱內地返，近排又忙搬屋。可能人大咗，比較愛熱鬧，出年我三十歲生日都想大搞。」
關智斌、泳兒、鍾舒漫及洪杰等，則異口同聲說：「Cally發咗短訊叫唔好送，我哋帶咗份心意，我哋將送禮啲錢捐咗去慈善機構。」
文：影視組