陳嘉桓武館為家愛恨交纏
陳嘉桓（Rose）外表柔弱可愛，其實已習武多時，師承武術高手冼國林，因為師傅對弟子管教甚嚴，所以陳嘉桓不敢怠慢，經常留在武館「打躉」練功，一日練十二小時，說武館是Rose的第二個家亦不為過。談到習武點滴，Rose話最難忘拉筋，因她天生筋骨比較硬，所以初初拉筋時，痛到眼淚直標。
沙包：沙包都算係我嘅出氣工具，有時做嘢唔開心，只要向住佢出盡氣力係咁打、係咁打，打完舒服好多，同埋可以練到膊頭同拳頭嘅力，一舉兩得。
劍：大家有冇留意到呢把劍嘅末端，有點蹺起呢？因為當年師兄攞劍向我示範一啲劍術，點知劍風太厲害，一耍個劍端就攣咗，搞到大師兄事後仲要諗好多方法嚟將把劍壓番直，因為武館每一件物件都要小心用，唔可以整爛。
木人樁：呢個木人樁都可算是我的小師傅，我經常會跟「他」一起練習，切磋功夫，好有感情架。
鐵架：呢個架令我又愛又恨，「愛佢」，係因為我靠呢個架支撐身體，學咗唔少嘅武術動作；「恨佢」，就係因為我啲筋好硬，成日都要將隻腳放係鐵架上面拉筋，痛到不得了。
