泳兒收祖兒祝福超sweet
泳兒前晚到旺角唱片舖宣傳新曲加精選碟《Vin'Selection》，穿上品牌Marijuana、一身黑look打扮的她吸引近百歌迷吶喊，身為師兄的古巨基特別託同事將聖誕禮物交給她。問到聖誕節如何慶祝？泳兒表示訂了一間酒店房與好友慶祝，她說：「幾經辛苦先book到房。（有男仔？）全部係女性朋友，男仔唔入得去。」
恨有異性示愛
恨拍拖的泳兒坦言期待聖誕浪漫佳節有男士向她表白，她說：「喺呢個佳節有人表白都幾sweet。（有心理準備？）冇呀，有一定好開心，或者煮一餐飯畀我食，一定會加佢分。（煎雞蛋同腸仔都合格？）OK呀，當然最好識煮我至愛嘅魚同沙律。」
對於曾與她傳不和的容祖兒日前在微博留言恭喜她出碟，泳兒感激說：「係呀，有睇佢留言，亦都回覆佢，佢仲係第一個恭喜我，真係好多謝師姐。」泳兒笑言雖然今年聖誕節沒有Mr. Right陪伴，不過收到很多人的祝福已感到很sweet。
文：音樂組