陳偉霆平安夜冇女陪
陳偉霆（William）與組合OctoBeez昨日到將軍澳電視城錄影，William自稱會與家人同度平安夜：「我今晚（昨晚）會同屋企人食飯。（女朋友？）佢唔喺香港。」問到送甚麼禮物給阿Sa？William稱：「唔講啦，想留番個驚喜畀佢！我聽日會喺沙田舉行第二次個人簽唱會，所以都冇時間休息。」
OctoBeez則表示平安夜會各自尋歡，Rika透露會與男性友人食飯慶祝，即被Hazel踢爆：「佢早幾日拍廣告識咗個男仔，仲係咁話對方好靚仔，可能過咗今晚（昨晚）之後就變咗男朋友o架啦！」Rika亦不甘示弱取笑Hazel要上大陸「綁實」男友。
