歌手鄧紫棋（G.E.M.）昨日為代言波鞋品牌拍攝新一輯廣告，即興示範打Boxing及高難度的瑜伽動作（見圖），G.E.M.表示經常做運動，正為演唱會每天跑步、隔日舉重，不過其演唱會由三月底改至五月，原因不詳亦沒有向公司多問：「我唔會失望，仲好啲添，多啲時間畀我準備。」
對於四大唱片公司跟無綫破冰，G.E.M.笑言對消息感興奮：「好鍾意呢件事發生，雖然對我冇影響，不過好多歌手都好畀心機去做嘢，之後可以一齊玩，熱鬧啲，最開心係見番陳奕迅、謝安琪同埋方大同。」
