栢芝傷勢好轉返港享天倫
墮馬受傷的張栢芝趁新片《楊門女將之軍令如山》趕拍劉曉慶戲份之時，向劇組請假數天，返港短享天倫。昨午十二時半左右，栢芝被發現抱着Lucas乘坐七人車返抵赤柱寓所，坐在母親膝上的Lucas表情多多，不時大扮鬼臉，甚為搶鏡。
風沙中過聖誕
當時頭戴印有Lucas字樣帽子及口罩的栢芝，眼見有記者於門外守候表現大方，主動打開車窗玻璃，向記者說聖誕快樂。談到自己的傷勢，栢芝表示：「都發生咗三、四日嘞，冇睇醫生係因為一日（情況）好過一日。（霆鋒有冇叫你唔好拍危險動作戲？）其實嗰場戲唔算危險，都係因為風沙太大。（要重拍嗰場戲？）馬匹都算乖，係導演收咗貨佢先摔我落地啫。」栢芝又透露聖誕前要返回內蒙向劇組報到，預算佳節將在風沙中度過！
Lucas精靈揮手
栢芝又表示墮馬後擦傷了嘴角，幸好化妝遮掩得到，問到有否影響其心情？她坦言︰「唔會，心情係睇自己嘅啫。（Lucas擔心你傷勢？）嘩，我諗佢擔心自己啲聖誕禮物多啲。」現場所見，栢芝精神尚算飽滿，返回寓所後更不忘轉身向記者道別，站在其身旁的Lucas則蹦蹦跳學着母親揮手，相當趣怪。