祥仔老婆瞄實冇飛來蜢
升呢做視帝的黎耀祥前晚在冬至晚會中以歌會友，同場更有高海寧，二人雖稱很少「做冬」，高海寧更說會食開年飯及團年飯。她說：「細時跟婆婆入廚房，我包餃子好叻架，只係唔鍾意洗碗，因為冬天好凍，用熱水洗怕對皮膚唔好！」
同場的黎耀祥獻唱收五至六位數字，酬勞不錯，並坦言攞獎後亦冇加價。他笑說：「抵用啦！（冬至慶祝？）自從媽媽逝世後唔興做節，蛇無頭不行！但都有同家人約出嚟食飯！」
此外，昨日黎太孖住祥仔出席聖誕活動，問是否「目及實」他？祥仔說：「唔係！重金禮聘佢做經理人啫，又可以24小時照顧我，（你哋好恩愛？）婚姻從未出現危機，我搵極都搵唔到飛來蜢，哈哈哈哈！（九姑娘緋聞？）我當笑話，我同老婆有共識冇影響。」