衞蘭等男友求婚學定吐飯應

衞蘭早前在紅館舉行的演唱會推出CD及DVD，昨日她首次到旺角舉行簽名會，獲大批歌迷到場支持。向來為食的她，提到旺角的街頭小食即如數家珍：「好似話有條街有魚蛋、魷魚鬚同珍珠奶茶，諗起都想食。（叫工作人員買畀你。）唔得，自己落街好玩啲！」

唔見一日似十年

問她會否送DVD予混血兒男友時，衞蘭即甜蜜自爆：「今個聖誕同新年都冇得見，好唔開心呀！（送隻碟畀佢睇咪可以見到你囉？）但係佢都有嚟睇我演唱會啦。」她透露男友因要工作未能齊齊慶祝，衞蘭又說：「一日唔見已經好似十年冇見咁架啦！依家兩個星期冇見啦，係最耐嘅一次，不過我哋有通電話同短訊。（恨嫁？）我唔會開口，等佢出聲。」

問到是否男友求婚即答應，冧爆的她害羞地點頭，記者便教她說「吐飯應」，衞蘭雖然不明所以但都跟着說，記者提醒她合約有否註明不能結婚，衞蘭即大為緊張說：「吓？不過我公司唔會嘅，哈！」場面搞笑。

衞蘭首次在旺角舉行簽名會，獲大批歌迷到場支持。

衞蘭為捧場的fans簽名。

歡迎四大終破冰

對於四大唱片與無綫破冰，衞蘭知道後即興奮跳起大叫：「Yes！咁先好呀，公平啲、熱鬧啲，可以見番好多朋友。（擔心競爭咗？）唔會理啦，做好自己嘅音樂先，唔會專注喺嗰度。」

文：音樂組