廖碧兒分手當宣傳
昨日廖碧兒出席新劇宣傳，再被問及與陳豪分手一事，期間她生疏地以「人哋」稱呼陳豪，似乎有意進一步與對方劃清界線。另外她亦否認同居，笑稱現在只是與狗仔同居。
碧兒昨日與「阿姐」汪明荃、夏雨、苟芸慧等為新劇《居家兵團》宣傳，近日多份報道指碧兒瞞住陳豪結識有錢男友林忠豪，雙方甚至同居，亦有報道指陳豪因而怒撇她。碧兒出席宣傳時表現自若，並對記者的追訪有備而來：「有睇雜誌嘅報道，報道唔係事實，我不嬲都話陳豪係朋友、同事，我相信有啲嘢唔係真，亦都唔知人哋有冇講過『過去咗嘅就過去』，（你叫『人哋』叫得咁生疏，係指陳豪？）係呀！（報道出咗有冇同佢聯絡傾番？）我唔會問呢啲，總之唔會回應唔係事實嘅事！」碧兒承認近期的新聞令她形象受損，更影響到家人及朋友。
斥放料者有報應
其後碧兒被問到是否專識有錢人？她說：「唔會留意呢啲，識朋友係睇個人，（依家有冇同人同居？）冇，我同我啲狗仔同居，（報道話你借劉愷威過橋撬人男友？）唔係事實唔回應！我知係咩人講出嚟，呢個世界係圓嘅，佢點對人，啲嘢一定會返轉頭，（會有報應？） 係！」但碧兒沒透露放料者是誰。
家英哥唔會退休
至於有傳她對追求者說陳豪是同性戀者，碧兒未有正面回答，只說：「做呢行有時會有啲唔好嘅新聞，食得鹹魚抵得渴！（陳豪怒撇你？）我冇睇過報道，唔知佢有冇親口講過！（咁多負面新聞出，檢討自己？）當係宣傳。」
此外，對於有雜誌指夫婿羅家英患怪病，阿姐沒好氣說：「我哋一早講咗有呢個病啦，都唔係咩怪病，仲要依家已經好番晒都攞番出嚟講，（家英哥會唔會退休？）點會退休，佢好好動，做呢行冇得退休。」
文：影視組