孫耀威等待大團圓
孫耀威（Eric）得知四大與無綫破冰一事，表示仍未收到通知，指大團圓當然最好，亦希望再上《勁歌》：「都好掛住，呢個節目細個已睇開，係個好緊要嘅打歌平台。（唔再上亞視？）等安排。」
暫時Eric未有收到以廣東話或普通話接受其他電視台訪問的指示：「最好用廣東話接受香港平台訪問，無啦啦要用國語好奇怪，我只係誠實講出意願，唔係攪屎棍，最後要等公司安排。」活動上無綫的採訪隊沒有訪問他。Eric表示有空閒願意出席無綫頒獎禮，即使冇獎出席，也可以與一班歌手一聚，但可能要拍戲不在港。此外，對女友陳美詩與陳山聰傳緋聞，他當笑話一則。