陳柏宇：唔講國語就發達
「四大唱片公司」之一的SONY MUSIC，旗下歌手陳柏宇、馮曦妤和林奕匡，昨日為亞視的《星光大道3聖誕狂歡Boxing Day》進行錄影及上台獻唱首本名曲。
對於無綫與「四大」破冰，陳柏宇仍未收到通知，一切等公司安排：「今日嚟又唔會尷尬嘅，工作又唔係我安排。破冰一定係好事，對觀眾同藝人都係。（只准亮相無綫？）第時先算。我當然想亮相唔同媒體，唔使用國語接受訪問就發達嘞。」
對於無綫將會以獎項利誘四大歌手出席頒獎禮，他說歌手不會以獎項來決定是否出席，他說：「如果邀請我當然會出席，自己都係樂壇一分子。」