四大歌手冇獎 陳家揚：下年再嚟過囉
無綫與四大唱片公司的版稅風波終於解決，據知雙方以臨時版稅價錢作為口頭協議，比以往的膠着狀態已是大躍進。
對於破冰一事，集團總經理李寶安表示暫時不作回應，對於何麗全的發言則要再作了解。
而無綫電視綜藝及音樂科高級經理陳家揚，昨日出席《TVB8金曲榜頒獎典禮》拜神時承認雙方氣氛良好有得傾：「氣氛梗係唔似舊年咁啦！但仲有好多程序問題，要傾吓合作形式。」不過，他表示勁歌總選有其機制，故相信「四大」旗下歌手將不會有獎：「下年再嚟過囉！（加啲獎安撫佢哋？）唔好用安撫，一直好和平。（勁歌30周年請四大歌手亮相？）考慮吓，等公司公布！」
至於製作資源部總監樂易玲昨晚表示：「雙方律師係傾咗已用歌曲版稅問題，即係何生所指畀咗過去兩年費用，但將來嘅新版稅則仲傾緊，傾好咗先可以安排四大歌手亮相無綫，不過大家共識都係正面嘢，距達成協議唔差太遠！」