纖與纖尋：楊思琦食足三餐清茶淡飯
楊思琦身形嬌小，瘦身自有妙法！她坦言不會因keep fit而刻意節食，一日三餐不能缺少，她說︰「我會食早餐，一定會飲鮮奶，而正餐唔可以冇飯或粉麵落肚，要食得健康，有飽肚感覺。」不過她強調不能食得太飽，七、八成飽已足夠，否則會易有肚腩！
此外，她認為飲食要以清淡均衡為主，肉類食物都要食得適量，又要戒太甜和太油的食物︰「自己煮就盡量清淡啲，有時出去食，如果食物太油會用茶或者水沖下，冇咁肥膩自然健康啲啦！」她又建議戒有大量糖分的食物和飲品，尤其是汽水，不過她笑言自己亦很喜歡吃甜的食物︰「有時晚飯後都會偷食，但要記住唔好咁夜食，因為好易肥。」而運動亦要多做，她稱會去做gym和跑步，就算工作忙碌，都會每星期抽空落樓下做運動，直言可以強身健體。
減肥招數
1.一日三餐要均衡，多食菜。
2.食得清淡，免吃過油食物。
3.正餐七、八成飽已足夠。
4.戒糖分食物和飲品，避免太夜進食。
5.做適量運動，如跑步。
場地︰Miss Sixty