周秀娜拍床戲盡情發洩
周秀娜和羅仲謙在葉念琛新片《婚前試愛》飾演即將結婚的情侶，但婚前各自「出軌」。兩人於戲中有大膽床戲，娜姐坦言拍攝時不尷尬：「現場咁多人，大家都係聽住導演指揮去做。不過我要貼晒膠紙防走光，羅仲謙好正人君子，好保護我，用個身遮住我，直到助手畀件衫我先走，佢又目不斜視。」她又大讚對方：「佢個胸肌太大又靚仔，應該好多女仔鍾意，我覺得冇安全感，唔敢諗。」娜姐謂無膽嘗試一夜情：「呢方面我好傳統。不過拍戲好處就係可以將現實生活中唔敢做嘅嘢發洩出嚟。」
羅仲謙拍拖從未出軌
自認感情專一的羅仲謙透露曾拍過四次拖，但沒有「出軌」經驗。問到擇偶條件？他說：「之前失敗過，學到失敗原因。經驗多咗加上年紀長大，依家都係最重要互相了解同溝通。」入行六年的羅仲謙，憑電視劇《搜下留情》而人氣爆燈，他對此說：「入行到依家遇到好多百樂，有我老闆王海峰、潘嘉德、梁家樹同張乾文，冇佢哋我冇今日。」
另外，導演葉念琛坦言是自己欽點娜姐擔正女主角：「佢個性好好，無論男、女觀眾都好受落佢。」
服裝：Cheap Monday （D-MOP）
髮型：Daniel @ Ching
化妝：Johnathan @ finestyle