4anda處男碟賣大包
男子組合4anda由運動員轉為歌手，出道近一年終於推出首張處男專輯，四子更相約於首賣日買碟攞意頭，當日他們現身旺角商場的唱片舖，在店內四圍走，十足十大細路。新碟包裝大大袋，Manson說：「新碟分咗幾個唔同嘅包裝，每個包裝裏面送嘅禮物都唔同，有T恤、環保袋、護腕或四款唔同顏色嘅熊仔鎖匙扣，分別代表我哋四個。」
其後，四子開大食會慶功，Jason表示：「早前代表香港參加亞運，要戒口之餘亦冇乜私人時間，依家終於可以鬆一鬆。」Kison表示他們月尾舉行演唱會：「到時會加入運動元素，令觀眾睇show之餘仲可以參與。」