徐正曦獲巨型聖誕卡表白

踏入十二月，又是鋪排聖誕節目的好日子，寰宇藝人、曾拍攝《男兒本色》、《童眼》的徐正曦稱因為沒有拍拖，所以今年聖誕沒有甚麼計劃，不過被問到以往有沒有過浪漫聖誕？他表示：「中三嗰年我買咗過百張聖誕卡，送畀同學、老師，其中一張送咗畀一個同級唔同班嘅女同學，當時我對佢係有少少好感，點知第二日佢竟然送番一張king size嘅聖誕卡畀我，大到好似一份報紙咁，我一見到即刻覺得好驚訝，裏面寫嘅都係向我表白嘅文字，我當時真係好開心，之後我送番一張紙條仔畀佢，跟着我哋慢慢就開始咗，呢個係我嘅初戀嚟。」