黃榕晒32C騷味十足

早前黃榕（Gloria）為內衣品牌行騷，穿上噴血內衣的她大晒32C美好身材，與其他女model行騷兼跳舞，並在觀眾身旁經過，引得男觀眾興奮叫囂，更有人起晒身拍掌，場面香艷火辣！身經百戰的Gloria表示不怕有鹹豬手：「好多觀眾都着晒西裝，好斯文，大庭廣眾都唔怕佢哋會亂嚟！（做好安全措施？）當然黐晒膠紙！不過之後睇相，都見到走咗個Nude Bra出嚟。」

偷偷摸摸更衣

Gloria今次與七名女模同場行騷，當中包括金髮女郎及黑人，對方的內衣比她更大膽，穿上透視裝只以乳貼作「掩護」，Gloria說：「我都試過一次咁着，但唔係咁接受到，始終唔及佢哋咁Open。（佢哋身材勁？）的確係瘦得嚟有睇頭，但我對自己嘅身材都好有信心！」不過，最令她尷尬的是同房換衫的竟包括一名男Dancer，對方更經常大搖大擺出入，令她要偷偷摸摸更衣，她說：「平時成日都係全女班一齊換衫，大家坦蕩蕩都唔尷尬，但有男仔在場就唔多慣！」

黃榕身穿惹火內衣，在男觀眾面前大騷索爆Body。

黃榕與外籍模特兒一同行內衣騷，未見輸蝕。

問到經常要以性感look行騷，會如何keep fit？只得95磅的Gloria自豪地透露自己從未試過超過100磅：「天生！我好鍾意食甜嘢，但食極唔肥！（運動？）咁我都經常跳舞Keep身材嘅！」