郭穎橋北京遊學增值
歌手郭穎橋自唱片公司的唱片部結束後，工作量大減，她不忘自我增值，她早前到北京展開三個月的遊學旅程：「其實有得必有失，呢段時間都有迷惘，但明白要好好裝備自己，先可以迎接新機會，今次去北京除咗旅行，仲有學唱歌同埋上一啲模特兒課程。」
阿橋首次踏足北京，趁機走遍不少名勝古蹟，她說：「作為中國人當然要去一次長城，我同啲外國朋友，跟當地一啲小型嘅導遊帶我哋去長城另一邊，嗰度同公開畀旅行團參觀嘅長城好唔同，係一啲未修葺嘅部分。」
此外，喜愛攝影的阿橋還隻身跑到著名藝術地點「798」觀摩，她說：「行咗成日都行唔完，嗰度真係好靚，仲影咗好多相，係值得推介嘅一個地方！」