關心妍甘拜欣宜法拉為師

Jade同公司的女歌手有欣宜、法拉及新人吳若希（Jinny），說到對三位師妹的評價？Jade逐一勁讚：「欣宜好有才華，真係多才多藝，好似佢媽咪咁，佢唱得、跳得、搞笑得，做戲好，又做司儀工作，我曾經問佢：『阿妹，你有咩係唔得o架？』」Jade最敬佩欣宜的毅力，由當年的肥妹變身現時的「索女」，若不是有強勁毅力，實在辦不到。

想四女齊合唱

至於陳法拉，Jade與她不算太熟，二人只是在event中見過幾次，覺得她樣靚及演戲一流。談及新人Jinny，Jade覺得她是甜姐兒，樣子亦甜美又擁有一對修長美腿，是新一代「宅男殺手」。Jade可有興趣作歌給師妹們？她認為最重要是師妹喜歡她的歌，她不想強人所難：「唔想要佢哋硬食。」因本地樂壇較少全女班合唱歌，故Jade忽發奇想最好是四女一齊合唱！

Jade（左）很欣賞欣宜，認為她多才多藝。

陳法拉是好戲之人，在無綫台慶頒獎禮中奪得最佳女配角獎。

欲辭演舞台劇

最近有朋友誠邀Jade擔任女主角演出舞台劇，令她相當為難：「我唱就得，但演戲就好渣，仲搵我做女主角？我唔識做戲喎。」為免拖累好友，她已推卻對方的好意，但如真的演出，笑言要拜兩位師妹為師：「欣宜搞笑好掂，法拉演內心戲好得，兩個層面都唔同，如果我真係接咗舞台劇，要惡補演技，我要拜佢哋兩個為師至真。」

文：音樂組

場地／服裝：SISTYR MOON