阿倫搵許冠文讓期加場賀歲

經典樂隊溫拿將於二月四日大年初二在紅館開騷，與樂迷齊齊慶祝溫拿三十八周年的大日子，昨日他們到電台宣傳演唱會主題曲《樂壇風雲》，直指溫拿經歷過香港樂壇的四季，有感現時香港唱片業蕭條，就像進入冬季般：「不過我哋希望冬天之後又有春天啦！」演唱會現時只得六場，溫拿坦言現時正努力商討加場的事宜，阿倫笑謂：「睇下許冠文可唔可以讓個期嚟啦！」

各自修行再夾

雖然距離演唱會只有兩個月時間，但溫拿仍未開始綵排，鍾鎮濤（阿B）說：「依家各有各練，自修好先夾。」阿倫笑言現時努力聽屆時要唱的歌，其他成員即讚他「聽一次就識唱」，他笑言：「唔唱得都作得，哈！」而跳舞部分，阿B謂要交予三位「偶像派」成員陳友、葉智強和彭健新，陳友謂：「我之前拍過齣電影叫《殭屍先生》，自此我就學識跳殭屍舞，到時我會跳番！」阿倫即搞笑說：「新年流流跳咩殭屍舞？」陳友續說：「咁我跳萬壽無疆舞啦！」

阿倫（左）現時靠多聽歌記歌詞，而阿B則暗示屆時不會跳舞。（資料圖片）

許冠文

擔心影響宣傳

另外，雖然阿倫是四大唱片的歌手，但是昨日無綫亦有派員到電台採訪，期間阿倫「自動波」靠邊站，而坐正中間的阿B笑謂：「我係三台通吃，冇問題！」阿倫坦言不知道他的身份會否影響溫拿宣傳，但自爆：「阿全（無綫高層何麗全）話我知（四大唱片與無綫版稅糾紛）就得啦！」

文：音樂組