吳雨霏痛爆4年情玩完
吳雨霏（Kary）昨日為明年一月三十日紅館的處女個唱造勢，黑Bra透視裝性感姿態示人，更突爆回復單身，宣告與「網球王子」洪立熙（Brian）四年情玩完。
Kary與圈外青梅竹馬男友、有「網球王子」之稱的Brian戀情一直甜蜜蜜，昨日正值Kary為明年紅館首個演唱會舉行記者會，穿上Givenchy喱士透視裝露出誘人黑Bra及小蠻腰，性感養眼，令台上任司儀的森美都看到「面紅耳熱」大呼尷尬，但最令森美尷尬竟然說中Kary「最痛」，問到她可會請男友來睇個唱時，Kary竟然爆出：「冇啦，冇啦，我依家單身！」令森美頓時語塞。
並冇第三者
事後，問到Kary與Brian分手真假？Kary承認：「依家係自己一個，唔想講太多，但關係良好嘅！」追問分手原因，Kary卻不肯透露，只說想專注工作。可會怕被指宣傳，演唱會後兩人又會復合？Kary無奈說：「唔係啦，我唔講呢啲嘅人！（點解無端端分手？）我真係想專心工作，唔好逼得我太緊啦。」可會邀請Brian來捧場？Kary直言：「梗會，大家係好朋友，講真，將來嘅嘢冇人知。」而Kary否認鬧第三者，仍大讚Brian人品很好，但卻說與圈外人拍拖不容易。
邀餅女捧場
現出小蠻腰是否為情激瘦所致？Kary堅稱身形沒有轉變，仍有B Cup上圍，亦不擔心為個唱排練致上圍縮水。另外，Kary表示會親自邀請前Cookies成員來捧場。可會安排鄧麗欣和傅穎這對「死敵」一齊坐？Kary則謂：「我覺得佢哋一齊坐冇問題嘅。（人哋覺得有呢？）你哋諗得太多啫，我會盡人事啦。」
文：音樂組