杜琪峯阿姐一笑解恩仇
天林叔愛徒杜琪峯向來被指與另一愛將汪明荃（阿姐）不和，昨日兩人前後腳到場一同送別恩師，靈堂和一眾好友談笑風生，隨天林叔離世，往日恩怨早化煙。杜琪峯被問到送別恩師心情，他說：「天林叔80幾歲係笑喪，反而大家一齊懷念當年拍戲嘅烏龍事，當年謝賢同曾江就多啲笑話，我就畀佢取笑同阿姐嗌交。」杜琪峯表示瞻仰遺容時見天林叔好慈祥，所以自己心情都好平靜，他直言難忘天林叔教誨「做得呢行要有承擔，幾難都要做落去」。
至於被笑常和杜琪峯「頂頸」的汪明荃以一身素服到場，她說：「天林叔係好開心、好樂天嘅老人家，上次見佢已經係幾年前喺我演唱會，80年代成日同佢合作，當時電視台競爭好大，每次合作都好似打仗。」