心口疑現咖喱雞 G.E.M.面紅扮傻賴蚊咬

現年十九歲的G.E.M.唱得又睇得，甫出道即成為新一代少男殺手，最近又跟台灣歌手林宥嘉的緋聞傳得熱烘烘。前晚G.E.M.與鍾舒漫（Sherman）、HotCha、洪卓立、AK及鄭家維等歌手出席公開活動，上身穿着一件V領貼身米奇老鼠T恤的G.E.M.，其心口位置被發現疑似「咖喱雞」的紅印，她被追問時詐傻扮懵說：「咩嚟o架？我由細到大都成日食咖喱雞飯。」她強烈否認是「咖喱雞」：「係蚊瘌嚟o架！我成日畀蚊咬，成身都好多蚊瘌！」

積極做gym有老鼠仔

問到是否想人家請食「咖喱雞」？G.E.M.即滿臉通紅說：「唔恨，好核突！」她為求解圍不惜自嘲：「我惹唔到狂蜂浪蝶，只係好惹蚊，依家風平浪靜不知幾平安。」

近日積極做gym的G.E.M.更舉起兩隻老鼠仔任影：「我見啲外國歌手明明對腳粗過我，但睇上去好似好修長，因為佢哋啲肉好結實，所以我已經好努力拉橡筋，希望手臂可以結實啲。」

HotCha三位一體，出席任何場合必定齊人。

組合AK在台上勁歌熱舞。

鍾舒漫千元贖電話

另外，Sherman透露連日來忙於搬屋，希望聖誕前入伙邀朋友到家中舉行派對。她又自爆早前遺留手機於的士，的士司機竟要求她以一千元領回電話。Sherman說：「嗰刻我好嬲又好心急，唔明啲人點解咁貪心！但電話裏面有好多私人相同電話號碼，所以最後都畀咗一千蚊拎番部電話。」

文：音樂組