丁子高派帖擺酒計過蝕水

丁子高昨晚出席四洲太子女戴凱欣投資的Spa全新專門店開幕，他表示已陸續派喜帖：「請五百多位賓客，我哋已經五五分帳，每人廿三圍；20日當晚主要係雙方長輩及親戚，24日搞派對請朋友casual啲。」又代千嬅否認沒邀請黎明出席婚宴的報道：「有請呀，有帖發去佢公司。（笑他贊助商多，擺酒定必有錢賺？）計過都會蝕，（邊個畀錢？）都用咗成七位數，當然我畀晒！」

陳沛嘉否認分居

另邊廂的陳沛嘉被問到與老公分居的報道，她否認兼解釋結婚到現在也沒有問題，結婚只是一種形式，她說：「始終佢係圈外人，上次件事（酒店攬女）佢好唔開心，想保護佢。就算不忠或行動失誤我都永遠支持佢，係我對佢永遠承諾。」此外，張燊悅表示囡囡兩個月大，英文名為Lily。

陳沛嘉說就算丈夫不忠都會支持他。

千嬅的立體喜帖。