演藝人協會搞影視頒獎禮
演藝人協會宣布將於明年1月3日晚上舉行周年晚會，並頒發足金獎座予有傑出表現的藝人，會長曾志偉澄清無意挑戰電影金像獎，只想以業界角度頒獎，問到經費多少？他說：「未計好，但會擺40幾圍，枱都賣晒喇！（到時有咩睇？）新人同『老嘢』都會表演。」會上宣布各界候選三甲，入圍電視界的男演員是陳豪、馬國明及鄭則士，女演員則是佘詩曼、米雪及陳法拉，不過最近熱爆的黎耀祥及鄧萃雯無緣入選，估計是因評選截至9月底所致。
入圍電影界別的惠英紅說：「邊個攞獎都咁開心，呢個係貢獻獎。」對於在《義海豪情》結局中扮阿婆極神似，惠英紅表示是以86歲的母親作參考對象。