Hidy願效美人魚為愛犧牲
OctoBeez成員Hidy（余曉彤）談吐斯文，但原來個性十分灑脫，熱愛水世界的她亦跟「美人魚」一樣，願為愛人犧牲。
周秀娜師妹、OctoBeez成員Hidy是名副其實水造的女人，除了酷愛水上活動之外，左眼附近有淚癦的她小時候是喊包一名！Hidy睇戲也會喊餐飽，至人生閱歷漸豐才改變，她說：「近幾年學識凡事睇開啲，唔開心嘅時候就會落街跑步當減壓。」
Hidy自幼已愛上游水，更會幻想自己是條魚享受水世界，她說：「水入面好靜好舒服，我會幻想自己係一條魚，好希望繼續開發水世界！」提到最難忘的潛水經歷，她說：「我試過畀水母炸親，麻痹咗一日，又有次有條鯨鯊喺我身邊經過，原來BB鯊都好大條，真係好刺激！」已考獲潛水牌的她希望可考電單車牌及跳降傘，在斯文外表之內原來有一顆富冒險精神的心！
難接受謊言
在童話《美人魚》 中，女主角不惜為愛人犧牲生命，原來Hidy亦一樣對愛情義無反顧，她說：「如果我真係愛嗰個人，犧牲條命我都肯架！我係個重感情嘅人。（最嬲男方做乜？）我接受唔到講大話，會令我好失望，不過我又會好心軟，好易原諒人！」
最近Hidy與隊友Rika及Hazel密密出騷，以舞技俘虜fans，她笑言希望組合可跳出名堂，故即使日日練舞及周身傷也毫無怨言。
文：影視組