湯駿業獨腳戲細場玩晒
「風車草劇團」成員湯駿業將於明年一月十三日演出音樂劇場《築地哈林》，由於是首個獨腳音樂劇，故湯駿業感到十分刺激。
湯駿業表示今次單人匹馬演繹這個角色甚有難度，他說：「過往都係人哋寫好晒個故事畀我演，今次呢個劇除咗自己包辦主演、編劇同監製外，仲要一個人演繹成個故事，所以幾有難度。」問到有否擔心賣飛情況？湯駿業表示：「又唔係好擔心喎，除咗有好多朋友嚟捧場，最重要今次特登搵咗香港藝術中心麥高利小劇場呢個細場，每場只有八十個觀眾，我開十四場，即有千幾個觀眾睇我，所以就算每場滿晒都只係打個和，不過因為自己同觀眾得兩、三個身位咁近，所以好好玩。」