陳細潔收藏紅酒當投資
鯊魚女陳細潔（Abbie）近期忙得不可開交，因她將推出自己的紅酒書，她說：「本來年尾出，但依家想加入啲投資心得，所以希望下年年頭可以出到。我覺得投資紅酒都幾好，因為冇咁大風險，而且平穩增加，好過啲錢放喺銀行收息。（你投資咗幾多？）我收藏當投資，都有好多年，幾百萬一定有。」
除了新書外，Abbie公司年尾亦特別忙，但無論工作如何忙碌，其公司雪肌蘭在不少頒獎禮上都獲獎，令她十分安慰，她說：「最近真係成日攞獎，啱啱ＴＶＢ官方刊物舉辦『最強人氣品牌大獎2010』中都攞咗獎，好開心，因為產品得到大家認同。」