來自中國的模特兒顧婭祺（Masha）十四歲已在北京參加模特兒大賽，後來跟隨家人到韓國居住，在當地被星探發掘，在韓六年曾拍過不少廣告，最近欲轉換新環境來港尋找新突破。
機緣巧合下，Masha遇到了熊黛林的經理人Kim，兩人一拍即合，她說：「我喺香港差唔多兩年，好鍾意呢度，啲人好有活力！」被問到其夢想是否到巴黎、米蘭行騷？她說：「如果有機會當然希望！雖然做模特兒有時好辛苦，但我真係好鍾意，唔係因為錢，而係好鍾意影相、扮靚，我會努力向呢個夢想進發！」
