唐詩詠力圓置業夢唔靠男人

唐詩詠與崔建邦的戀情看似欲斷難斷，早前又傳被黃嘉樂力追，感情生活多姿多采。她說：「真係冇拍拖，兩個都係我朋友。（有冇人追？）梗有嘅，但唔想成日將感情事掛口邊，享受依家單身生活，希望專注工作，搵多啲錢。」

廣告登台密密執

今年可算是詩詠豐收一年，有份演出的劇集《鐵馬尋橋》口碑佳，連帶在台慶頒獎禮亦獲提名「飛躍進步獎」，她直言對獎項有信心：「唔想一開始就打沉自己，唔係話恨攞獎，但如果有當然係錦上添花。（覺得邊個係勁敵？）羅敏莊今年唱咗一首好感動人嘅歌，人氣都升埋，而我部《鐵》劇雖然已播映咗一段時間，但相信觀眾仍對阿雁有印象，自己亦好鍾意呢個角色。」

初演古裝刨功課

詩詠今年「密密執」，連接多個廣告、做剪綵嘉賓及返大陸登台，她直言最想儲一筆錢買樓上車，她說：「一直同屋企人租樓住，但最近政府出招壓抑樓價，我都想政府幫吓我哋呢班八十後，完成買樓心願。」

另外，詩詠最近首次拍攝古裝劇，並與一班好戲之人馬浚偉、馬國明、陳國邦等合作，她自言好有挑戰性，她說：「平時多數拍民初，着清裝都係第一次，好有新鮮感，而且仲係做一個奸角，多謝監製畀機會。」她表示在開工前已做足準備工夫：「我問咗陳錦鴻、國邦、麥包等前輩嘅意見，仲睇咗好多內地清裝劇，希望攞到個感覺，先有機會演好角色。」

詩詠眼前目標是「上車」做業主。

放大圖片

文：專案組

攝：秦健輝

服裝及場地：Wonderland Soho