朱慧敏發揮潛能做笑星
去年入圍「飛躍進步女藝員」的無綫藝員朱慧敏（Queenie），今年升呢憑《飛女正傳》成為「最佳女配角」候選人，在劇中飾演搞笑波妹的她驚覺自己原來充滿喜劇細胞，大有機會朝笑星之路進發！
每年頒獎禮都是藝員的收成期，今年有份角逐「最佳女配角」的Queenie坦言得到提名等於攞獎：「講真公司咁多演員，有份提名已經代表得到公司同觀眾認同，有好大成功感！」
回想當年拍攝《飛女正傳》時，她根本無想過自己竟可憑搞笑角色獲得提名：「呢個角色同我之前嘅戲路好唔同，好突破同創新。」她又感謝同劇演員陳鴻烈、蔡少芬不時給予意見，而她亦發覺自己原來可以走喜劇路線，更希望可以多拍喜劇，帶多啲歡樂畀觀眾。她已為頒獎禮揀好靚衫，原本已身高五呎八吋的她，笑言到時加上整頭及着高踭鞋，分分鐘有六呎四吋高，到時必成為「頒獎禮巨人」！
向殿堂主持進發
現時專注拍劇的Queenie亦想跟「福祿壽」一樣，做個多元化的藝人，實行唱歌、主持、做騷等瓣瓣都試下，也許很多人都已忘記，原來她也是主持出身：「之前選完港姐，主持過幾個節目，好記得其中有個講醫療嘅節目要直播兩個半鐘咁長！做完之後好多藝人見到我都會問啲有關醫療嘅知識，好似做咗代言人咁！」她希望以後可有機會多接主持工作，乘機向殿堂級主持偷師！
文：專案組 攝：李廣成 服裝：aalis 髮型：Charles Ng@Hair